Սեպտեմբերի 13 – ը վարսահարդարների օրն է: Այսուհետ այն կնշվի նաև Հայաստանում:
Օրվա կապակցությամբ Շառլ Ազնավուրի անվան հրապարակում կազմակերպվել էր միջոցառում: Միջոցառումը նախաձեռնել էր Կարո Աբաչյան բարբերշոփ:
Միջոցառման ողջ ընթացքում Կարոյի թիմը հարդարեց ներկաների վարսերը և մորուքը:
Միջոցառումը վարեցին լրագրող, հաղորդավար Էմմա Կարապետյանն ու բլոգեր Նարեկ Դեմիրճյանը:
Միջոցառման գործընկերն էի՝ Բյութի Գարդեն և Կարին Բյութի վարսավիրական պարագաների խանութ սրահը, Մեն սթորիս ֆրանսիական տղամարդկանց նյութերը, դիմահարդար Լուսինե Թելոյանը և Էսթ Էլ ընկերությունը:
Ինչպես Azad-hye.net կայքի հետ ունեցած զրույցում նշեց Կարո Աբաչյանը.
-Երբ է հաստատվել այս օրը, հայտնի չէ: Միայն վստահաբար կարող ենք ասել, որ այն հաստատվել է 2000թ.-ից հետո: Նախկինում վարսահարդարները նշում էին միայն Գեղեցկության միջազգային օրը՝ Սեպտեմբերի 9-ը:
Վարսահարդարի օրվա սեպտեմբերի 13- հիմնական ավանդույթը կապված է այնպիսի դպրոցների հետ, որոնք զբաղվում են պրոֆեսիոնալ վարսահարդարների պատրաստմամբ:
Քանի որ այս դպրոցները հենց սեպտեմբերի 13- էին դիպլոմներ հանձնում իրենց շրջանավարտներին, կազմակերպում ցուցահանդեսային վարպետության դասեր, սեմինարներ, այստեղից էլ տոնը առավել տարածում գտավ: Այսուհետև այն կնշվի նաև Հայաստանում:
Ի դեպ առաջին գեղեցկության սրահները հայտնվեցին Հին Հունաստանում: Պաշտոնապես առաջին դպրոցը գործել է XIX դարի վերջին ԱՄՆ-ում: