Երկու շաբաթ առաջ դժգոհութիւն յայտնած էինք թէ թեմականի հաղորդագրութիւնները հակիրճ եւ անբովանդակ էին:
Ընդառաջելով մեր փափաքին թեմականի դիւանը մեր տրամադրութեան տակ դրաւ իրենց վերջին հաղորդագրութեան իսկական օրինակը, որմէ կը քաղենք հետեւեալը՝
Շարժայի շաբաթօրեայ վարժարանը 2010-2011 տարեշրջանին պիտի սկսի իր փորձառական ամէնօրեայ դասաւանդութեան՝ սկիզբը մանկապարտէզի մակարդակով, ապա տարուէ-տարի այլ կարգեր ընդգրկելով:
Արաբական Էմիրութիւններու գաղութը պիտի ունենայ իր պաշտօնական կայքը, ուր տեղ պիտի գտնեն թեմին լուրերը եւ այլ մանրամասնութիւններ: Օրինակ պիտի ծառայէ եգիպտահայ գաղութին կայքը՝ armaveni.com
Էմիրութիւններու հայութեան անունով պիտի կապեր հաստատենք մերձակայ հայկական գաղութներուն հետ եւ հարկ եղած պարագային օժանդակութեան ձեռք մեկնենք անոնց: Մանաւանդ Իրաքի հայութեան վիճակը մեզ շատ կը մտահոգէ եւ կը մղէ մեզ, որ այդ ուղղութեամբ գործնական քայլեր առնենք:
Պիտի կապեր հաստատենք Էմիրութիւններու մէջ գործող ուսումնասիրական կեդրոններուն հետ, հրաւիրելով անոնց անդամները որպէսզի մեր կեդրոնը այցելեն եւ տեղեկանան հայութեան մասին:
Տարին գոնէ տասը ուսումնասիրող կամ լրագրող պիտի ուղարկենք Հայաստան, որպէսզի տեղական լրատուամիջոցները ծանօթանան մեր հայրենիքին:
Պիտի վերահրատարակենք ատենէ մը ի վեր դադրած Շաւիղ պարբերաթերթը՝ ապահովելով անոր անձնակազմ եւ նիւթական միջոցներ:
Կլոր սեղանի կերպարանքով քննարկումներու առիթներ պիտի ստեղծենք ժողովուրդին հետ՝ ամէն քայլափոխի:
Մեր մտայնութեան հետ չհամաձայնող հայերու հետ հաղորդակցութեան միջոցներ պիտի որոնենք եւ յարգենք անոնց ներկայութիւնը եւ ներդրումը՝ ձեւականութենէ անդին անցնելով:
Հայաստանի դեսպանութեան հետ գործնական միատեղ աշխատանքներ պիտի կատարենք, աւելի եւս շրջանէն ներս հետապնդելու համար հայութեան շահերը՝ փոխանակ միայն քաղաքավարական այցելութիւններ տալու դեսպանութիւն:
Երիտասարդութեան հետ զանազան միատեղ միջոցառումներ պիտի իրականացնենք, որպէսզի անոնք հայութենէ հեռու չմնան եւ խոտոր աչքով չնային մեզի: Պիտի մտահոգուինք երբ տեսնենք, թէ այդ երիտասարդութիւնը զանազան խմբակներու մասնատուած է: Պիտի զուսպ ըլլանք եւ չփորձենք աւելի բաժանում ստեղծել:
Ապու Տապիի գաղութի հարցերը պիտի լրջօրէն սերտենք եւ լուծումներ գտնենք՝ առանց նսեմացնելու այս կամ այն կողմը: Պիտի չբաւականանաք լսել միայն մեր կողմէ վստահելի նկատուող եւ նիւթական ներդրում կատարող անձերուն կարծիքը: Պիտի յարգենք մանաւանդ տասնամեակներ դասաւանդութիւն ըրած ուսուցչուհիները, որոնք առանց գնահատանքի տուն ուղարկուեցան:
Պիտի Շարժայի եւ այլ վարժարաններու ուսուցիչները վերա-որակաւորման դասընթացքներու ուղարկենք՝ հոգալով նիւթական ծախսերը:
Ապու Տապիի եկեղեցաշինութեան համար, դրամի կողքին պիտի ապահովենք նաեւ գաղութի անդամներուն սէրը եւ համերաշխ վերաբերմունքը:
Պիտի ուսումնասիրենք իսկական պատճառները վերջերս Շարժայի գաղութին մէջ չեղեալ նկատուած պարահանդէսին եւ այլ ձեռնարկներու պարագան:
Պիտի ստեղծենք միաւոր մը, որ պարտականութիւն ունենայ սիրալիր ընդունելու եւ բարի գալուստի վերաբերմունք ցուցաբերելու գաղութին մէջ նոր ժամանած հայերու նկատմամբ: Այսպիսով փոխած պիտի ըլլանք մեր հին սովորութիւնը՝ անդամներով զբաղիլ միայն ընտրութիւններու ժամանակ:
Ընտրութիւններու կատարման ոճը վերատեսութեան պիտի ենթարկենք, որովհետեւ մեզի պատիւ չի բերեր հայութեան հինգ առ հարիւրին մասնակցութեամբ ընտրուիլ եւ հարիւր առ հարիւրի անունով խօսիլ:
Պիտի հետեւինք տեղական մամուլին եւ փորձենք պատասխանել հակահայ յօդուածները՝ լուսաբանելով յօդուածագիրները հայութեան մասին, ինչպէս նաեւ պատշաճօրէն գնահատելով հայանպաստ դիրքերէ մեկնող հրապարակումները:
Պիտի խտրութիւն չդնենք մեր գաղութի անհատներուն միջեւ: Օրինակի համար, Շարժայի կեդրոնին ցուցափեղկին մէջ թեմական մեր մէկ անդամին մասին գրուած գնահատական գրութեան կողքին պիտի դնենք նաեւ ոչ-թեմականի մը ստացած գնահատագիրին մասին տեղեկանք:
Պիտի անկեղծ եւ շրաջահայեաց վերաբերմունք ցուցաբերենք բոլոր անոնց նկատմամբ, որոնք անկեղծ միտքեր կ՛արտայայտեն գաղութի այս կամ այն երեւոյթին մասին եւ պիտի դադրինք անոնց նկատմամբ ոխակալ կեցուածք որդեգրելէ:
Պիտի բարեհաճինք պատասխանել մեզի ուղղուած հարցերուն, մանաւանդ երբ անոնք կը ներկայացուին գրաւոր կերպով (մինչեւ հիմա սովորութիւն դարձուցած ենք անտեսել կամ բերանացի ու հարեւանցի պատասխաններ տալ):
Պիտի համեստ անձնաւորութիւններուն քանակը աւելցնենք մեր շարքերուն մէջ, իսկ խորամանկներունը պակսեցնենք:
Շատ մը այլ բաներ պիտի ընենք, որոնք մեր միտքը չեն գար հիմա, բայց վստահ ենք, որ դուք երկար տարիներէ ի վեր անհամբեր կը սպասէք անոնց:
Շնորհակալութիւն:
Թուական՝ Ապրիլի մէկը:
ՍԻՐԵԼԻ ԱԶԱՏ ՀԱՅ,
ԼՈՒՐՋ ՄՏԱՀՈԳՈՒԹԻՒՆՆԵՐ ՈՒՆԻՔ ԱՐՏԱՅԱՅՏԱԾ ՁԵՐ ԱՊՐԻԼԻ ՄԷԿԻ ԱՌԹԻՒ ԼՈՅՍ ԸՆԾԱՅԱԾ ՅՕԴՈՒԱԾԻՆ ՄԷՋ: ԵՐԳԻԾԱԿԱՆ ԱՅՍ ՈՃԸ ՅԱՃԱԽ ՈՐԴԵԳՐՈՒԱԾ Է ՀԱՅ ԹԷ ՄԻՋԱԶԳԱՅԻՆ ՄԱՄՈՒԼԻՆ ԿՈՂՄԷ , ԴՈՒՔ ԱԼ ՁԵՐ ԿԱՐԳԻՆ ՓՈՐՁԱԾ ԷՔ ԵՐԳԻԾԱՆՔ ԸՆԵԼ.ՈՐՊԷՍ ՓՈՐՁ՝ ԸՆԴՈՒՆԵԼԻ Է:
ԱՆՑՆԻՆՔ ԲՈՒՆ ՆԻՒԹԻՆ.
ԹԵՐԹ – ԼՐԱՏՈՒ
ԹՈՅԼ ՏՈՒԷՔ ՆԱԽ ՓՈՔՐ ՅԻՇԵՑՈՒՄ ՄԸ ԿԱՏԱՐԵԼ .ԱՏԵՆՕՔ ՀԻՒՍԻՍԱՅԻՆ ԷՄԻՐՈՒԹԵԱՆՑ ՄԷՋ ՀՐԱՊԱՐԱԿՈՒՈՂ ԹԵՐԹԻՆ ԱՆՈՒՆԸ ?ՇԱՒԻՂ? ՉԷՐ ԱՅԼ՝ ?ՇԵՓՈՐ?:
ԻՆՉ ԼԱՒ Կ՜ԸԼԼԱՐ ԵԹԷ ՇԵՓՈՐԸ ԿԱՐԵԼԻ ԸԼԼԱՐ ՎԵՐՍՏԻՆ ՀՐԱՊԱՐԱԿԵԼ? ՀՄՈՒՏ,ՅԱՆՁՆԱՌՈՒ ԵՒ ՓՈՐՁԱՌՈՒ ԱՆՁԻՔ ՉԵՆ ՊԱԿՍԻՐ ԳԱՂՈՒԹԻՆ ՄԷՋ: ԸՍՏ ԻՍ ՎԵՐՍԿՍԻԼԸ ԼԱՒ Կ՜ԸԼԼԱՅ ԵՒ ՄԱՆԱՒԱՆԴ ՝ՃԻՇՏ , ՆՈՅՆԻՍԿ ՈՐՊԷՍ ԿԱՅՔԷՋ: ՄՕՏ ԵՐԿՈՒ ՏԱՐԻ ԱՌԱՋ ԻՄԱՑԱԾ ԷԻ ԱՅԴՊԻՍԻ ԾՐԱԳԻՐԻ ՄԸ ԳՈՅՈՒԹԵԱՆ ՄԱՍԻՆ , ԱՅԺՄ ՉԵՄ ԳԻՏԵՐ ԹԷ ՈՐՔԱՆ ՅԱՌԱՋ ԳԱՑԱԾ Է ԳՈՐԾՆԱԿԱՆԱՑՄԱՆ ԳՈՐԾԸՆԹԱՑԸ: ՁԵՐ ԵՒ ՆՇԱՆԱԿ ԿԱՅՔԷՋՆԵՐԸ ԿԸ ԳՈՐԾԵՆ ԱՅՍ ԳԱՂՈՒԹԷՆ ՆԵՐՍ ԵՒ ԳԻՏԵՄ ԹԷ ՈՐՔԱՆ ԱՆՁԵՐ, ԱՇԽԱՐՀՈՎ ՄԷԿ, ՀԵՏԱՔՐՔՐՈՒԹԻՒՆ ՑՈՅՑ ԿՈՒՏԱՆ ԱՆՈՆՑ ՄԷՋ ԱՐԾԱՐԾՈՒՈՂ ՆԻՒԹԵՐՈՒՆ ՆԿԱՏՄԱՄԲ :
ՎԵՐԱՈՐԱԿԱՒՈՐՈՒՄ
ՎԵՐԱՊԱՏՐԱՍՏՄԱՆ ՀԱՄԱՐ , ՇԱՐԺԱՅԻ ՕՀԱՆՆԷՍԵԱՆ ՎԱՐԺԱՐԱՆԸ ԱՌԻԹ Չ ՓԱԽՑՈՒՑԱԾ ՈՒՍՈՒՑԻՉ ՈՒՂԱՐԿԵԼՈՒ ՀԱՅԱՍՏԱՆ ՎԵՐԱՈՐԱԿԱՒՈՐՄԱՆ՝ ԴԵՌ ԵՐԲ ՀԱՅԱՍՏԱՆԸ ՍՈՎԵՏ ԷՐ ( ԵՍ ԱՆՁԱՄԲ ՄԱՍՆԱԿՑԱԾ ԵՄ ԱՅԴ ԴԱՍԸՆԹԱՑՔՆԵՐՈՒՆ 1985 ԻՆ): ԿԱՐԾԵՄ ԹԷ ՏԵՂԵԱԿ ԷՔ ՈՐ ԱՆՑԵԱԼ ՏԱՐԻ, ՕՀԱՆՆԷՍԵԱՆ ՎԱՐԺԱՐԱՆԻ ՀՈԳԱԲԱՐՁՈՒԹԻՒՆԸ ՇԱՐԺԱ ՀՐԱՒԻՐԵՑ ՅԱՏՈՒԿ ՄԱՆԿԱՎԱՐԺ ՄԱՍՆԱԳԷՏ ՈՐ ՎԵՐԱՊԱՏՐԱՍՏԷ ՈՒՍՈՒՑՉԱԿԱՆ ԿԱԶՄԸ:ԱՅՍ ՏԱՐԻ ՆՈՅՆԸ ՊԻՏԻ ՏԵՂԻ ՈՒՆԵՆԱՅ: ՇՐՋԱՆԻ ԱՅԼ ՎԱՐԺԱՐԱՆՆԵՐՈՒ ՄԱՍԻՆ ԱՆՏԵՂԵԱԿ ԵՄ: ՀԵՏԵՒԱԲԱՐ ,ՆԵՐՈՂ ԵՂԷՔ ՈՐ ԸՍԵՄ ԹԷ ՇԱՐԺԱՅԻ ՊԱՐԱԳԱՅԻՆ ՁԵՐ ԿԱՏԱՐԱԾ ԴԻՏՈՂՈՒԹԻՒՆԸ ԺԱՄԱՆԱԿԱՎՐԷՊ ԿԸ ՆԿԱՏԵՄ:
ԴՐԱՄԷՆ ԱՒԵԼԻ ՍՐՏԵՐԸ ԳՐԱՒԵԼ
ՁԵՐ ՍՐԲԱԶԱՆ ՊԱՏԳԱՄԸ ԱՊՈՒ ՏԱՊԻԻ ՄԷՋ ԴՐԱՄԷՆ ԱՒԵԼԻ ՍՐՏԵՐԸ ԳՐԱՒԵԼՈՒ ՊԱՏԳԱՄՆ Է:ԱՅԴ ԻՐ ՄԷՋ ԿԸ ՆԵՐԱՌԷ ՄԻԱՍՆԱԿԱՆՈՒԹԻՒՆ , ՅԱՐԳԱՆՔ, ՍԵՐՈՒՆԴՆԵՐՈՒ ՀԱՅԵՑԻ ԴԱՍՏԻԱՐԱԿՄԱՆ ՄԱՍԻՆ ԼՈՒՐՋ ՄՏԱՀՈԳՈՒԹԻՒՆ: ԱՌԱՆՑ ՍԻՐՏԵՐՈՒ ԳՐԱՒՄԱՆ ԴՐԱՄ ԱԼ ԿԱՐԵԼԻ ՉԷ ՀԱՒԱՔԵԼ : ԱՍՈՐ ՀԱԿԱՌԱԿԻՆ ՓԱՍՏԸ ՄԻ ՔԱՆԻ ԱՆԳԱՄ ՀԻՒՍԻՍԱՅԻՆ ԷՄԻՐՈՒԹԵԱՆՑ ԳԱՂՈՒԹԸ ՏՈՒԱԾ Է ԵՐԿՐԱՇԱՐԺԻ ՕՐԵՐԷՆ ՄԻՆՉԵՒ ԵԿԵՂԵՑԱՇԻՆՈՒԹԻՒՆ, ԴԵՍՊԱՆԱՏԱՆ ՀԻՄՆՈՒՄ ԵՒԱՅԼՆ: ԻՍԿ ՍՐՏԵՐԸ ԳՐԱՒԵԼ Կ՜ԵՆԹԱԴՐԷ ՀԱՄԵՐԱՇԽՈՒԹԻՒՆ ՆԱԽ ՂԵԿԱՎԱՐՈՒԹԵԱՆ ՇԱՐՔԵՐԷՆ ՆԵՐՍ, ՆԵՐՈՂԱՄՏՈՒԹԻՒՆ ԵՒ ԻՐԵՐՀԱՆԴՈՒՐԺՈՂՈՒԹԻՒՆ ՝ ՔՐԻՍՏՈՆԷԱՎԱՅԵԼ ԵՒ ԱՍՏՈՒԱԾԱՀԱՃՈՅ ԱՔԹԵՐ:
ԱՆԿՈՂՄՆԱԿԱԼՈՒԹԻՒՆ ԵՒ ՈԽԱԿԱԼՈՒԹԻՒՆ
ԱՆԿՈՂՄՆԱԿԱԼՈՒԹԵԱՆ ՍԿԶԲՈՒՆՔԻ ՈՐԴԵԳՐՈՒՄԸ ԷԱԿԱՆ Է : ԱՆՁԱՄԲ ՑԱՐԴ ԴԻՏԱՒՈՐԵԱԼ ԿՈՂՄՆԱԿԱԼ ԿԵՑՈՒԱԾՔ ՉԵՄ ՆԿԱՏԱԾ ԱԶԳԱՅԻՆ ՂԵԿԱՎԱՐՈՒԹԵԱՆ ՄՕՏ: ՍԽԱԼ ՀԱՍԿԱՑՈՂՈՒԹԻՒՆ, ՏԱՐԱԿԱՐԾՈՒԹԻՒՆՆԵՐ, ԵՐԲԵՄՆ ԱՆՁՆԱԿԱՆ ԱՐԺԱՆԱՊԱՏՈՒՈՒԹԻՒՆԸ ՇՓՈԹԵԼ ՀԱՒԱՔԱԿԱՆ ԱՐԺԱՆԱՊԱՏՈՒՈՒԹԵԱՆ ՀԵՏ ՊԱՏԱՀԱԾ ԵՆ ԵՒ ԿԸ ՊԱՏԱՀԻՆ. ՍԱԿԱՅՆ ԴԻՏԱՒՈՐԵԱԼ ԿՈՂՄՆԱԿԱԼՈՒԹԻՒՆ ՊԷՏՔ ՉԷ ՀԱՄԱՐԵԼ ԶԱՆՈՆՔ: ԵԹԷ ՑՈՒՑԱՓԵՂԿԻՆ ՄԷՋ ԳՆԱՀԱՏԱՆՔԻ ԼՈՒՐԸ ՉԷ ՏՐՈՒԱԾ ԱՅԴ ՄԷԿԸ ՊԷՏՔ ՉԷ ԿՈՂՄՆԱԿԱԼՈՒԹԻՒՆ ՆԿԱՏԵԼ : ՄԵՐ ԳԱՂՈՒԹԷՆ ՇՔԱՆՇԱՆ ՍՏԱՑԱԾ ԱԶԳԱՅԻՆԸ (ԵԹԷ ՉԵՄ ՍԽԱԼԻՐ ԱՅՍ ՊԱՐԱԳԱՅԻՆ ԽՕՍՔԸ ԿԸ ՎԵՐԱԲԵՐԻ ԱԶԱՏ ՀԱՅԻ ՀԻՄՆԱԴԻՐ ՀՐԱՉ ՔԱԼՍԱՀԱԿԵԱՆԻ ՊԱՐԳԵՒԱՏՐՄԱՆ ՍՓԻՒՌՔԻ ՆԱԽԱՐԱՐՈՒԹԵԱՆ ԿՈՂՄԷ) ԿՐՆԱՅ ՏԱՐԱԿԱՐԾԻՔ ԸԼԼԱԼ ԱԶԳԱՅԻՆ ՄԱՐՄԻՆՆԵՐՈՒՆ ԳՈՐԾԵԼԱՈՃԻՆ ՀԵՏ ՍԱԿԱՅՆ ԱՅԴ ՈՉԻՆՉ ՊԷՏՔ Է ՆՈՒԱԶԵՑՆԷ ՅԱՉՍ ԱԶԳԱՅԻՆ ՂԵԿԱՎԱՐՈՒԹԵԱՆ ԻՐ ՄՏԱՒՈՐԱԿԱՆԻ ԱՐԺԷՔԷՆ, ԻՐ ՍՐՏՑԱՒ ՀԱՅՈՒ ԱՐԺԱՆԻՔՆԵՐԷՆ :ՀԱՅ ՄՏԱՒՈՐԱԿԱՆԸ ՊԷՏՔ Է ՔԱՋԱԼԵՐՈՒԻ, ԱԶԳԱՅԻՆ ՄՏԱՀՈԳՈՒԹԻՒՆՆԵՐ ԱՐԾԱՐԾՈՂ ԱՆՁԻՔ ՊԷՏՔ Է ԳՆԱՀԱՏԵԼ ԵՒ ՆԵՐԱՌԵԼ ԱԶԳԱՅԻՆ ԳՈՐԾՈՒՆԷՈՒԹԵԱՆ ԾԻՐԷՆ ՆԵՐՍ :
ՄԻՒՍ ԿՈՂՄԷՆ,ԹՈՂ ԻՆԾԻ ՆԵՐՈՒԻ ԸՍԵԼՈՒ, ՈՐ ԹԵՄԱԿԱՆ ԺՈՂՈՎՆԵՐԷ ՊԷՏՔ ՉԷ ԱԿՆԿԱԼԵԼ ՑՈՒՑԱՓԵՂԿԵՐՈՒ ԶԱՐԴԱՐՈՒՄՈՎ ԶԲԱՂԻԼ ԵՒ ԶԱՅՆ ՆԵՐԿԱՅԱՑՆԵԼ ՈՐՊԷՍ ԳՈՐԾՈՒՆԷՈՒԹԻՒՆ ԿԱՄ ՏԵՂԵԿԱԳՐՈՒԹԻՒՆ?
ԱՄԷՆՕՐԵԱՅ ՎԱՐԺԱՐԱՆԻ ՀԻՄՆՈՒՄԻ ԿԱԶՄԱԿԵՐՊԱԿԱՆ ԱՇԽԱՏԱՆՔԻ ՄԱՍԻՆ
ԱՅՍ ՀԱՍՏԱՏՈՒԹԻՒՆԸ ՕՐ ՄԸ ՍՈՒՐՈՎ ԹԷ ՀՈՒՐՈՎ ՊԷՏՔ Է ՀԻՄՆԵԼ : ԻՆՉ ՁԵՒԻ ՏԱԿ ԱԼ ՀԻՄՆՈՒԻ ԱՅՍ ՎԱՐԺԱՐԱՆԸ ԹԵՄԱԿԱՆ ՄԱՐՄԻՆԸ ԻՐ ԸՍԵԼԻՔԸ ՈՒՆԻ ԵՒ ԻՐ ԱՋԱԿՑՈՒԹԻՒՆԸ, ԶԱՆԱԶԱՆ ՄԱԿԱՐԴԱԿՆԵՐՈՒ ՎՐԱՅ, ՊԱՐՏԻ ԲԵՐԵԼ: ԵՐԱՆԻ ՁԵՌՆԱՐԿՈՂ ԿՈՂՄԸ ՆՈՅՆ ԱՅՍ ԺՈՂՈՎԸ ԸԼԼԱՅ: ԱԶԱՏ ՀԱՅԻ ԳՈՐԾՆԱԿԱՆ ՄՏԱՀՈԳՈՒԹԵԱՆ ԻՄ ԹԵԼԱԴՐԱՆՔՍ ՊԻՏԻ ԸԼԼԱՐ ՄԱՆԿԱՊԱՐՏԷԶՈՎ ՄԻԱՅՆ ՉՍԿՍԻԼ ԱՅԼ՝ ՄԱՆԿԱՊԱՐՏԷԶ ԱՌԱՒԵԼ ԵՐԿՈՒ ՆԱԽԱԿՐԹԱՐԱՆԻ ԴԱՍԱՐԱՆ:
ՄԵՐՁԱԿԱՅ ՇՐՋԱՆՆԵՐՈՒ ՀԵՏ ԿԱՊ
ԱՅԴ ԿԱՊԸ ԱՐԴԷՆ ԻՍԿ ՍՏԵՂԾՈՒԱԾ Է ԱՌԱՋՆՈՐԴԱՐԱՆԻ ԿՈՂՄԷ, ԹԵՄԱԿԱՆ ԺՈՂՈՎԻ ՀՐԱՀԱՆԳՈՎ: ԿԱՐԾԵՄ ԱՐԴԱՐ ՉԷ ԱՅՍՊԻՍԻ ՊԱՐՏԱԿԱՆՈՒԹԻՒՆ ՏԱԼ ԷՄԻՐՈՒԹԵԱՆՑ ԱԶԳԱՅԻՆ ՎԱՐՉՈՒԹԵԱՆՑ: ԻՆՉ ԿԸ ՎԵՐԱԲԵՐԻ ԻՐԱՔԻ ՀԱՅՈՒԹԵԱՆ ՀԱՐՑՈՎ ԶԲԱՂԵԼՈՒ ԳՈՐԾԻՆ ԱՆԿԵՂԾ ԱՍԱԾ ՉԿԱՐՈՂԱՑԱՅ ԿԱՊ ՄԸ ԳՏՆԵԼ ԴՐՈՒԹԵԱՆ ԵՒ ԱՌԱՋԱՐԿԻՆ ՄԷՋ: ՆԵՐՈՂ ԵՂԷՔ ՈՐ ՉԿԱՐՈՂԱՑԱՅ ՀԱՍԿՆԱԼ, ԳՈՒՑԷ ԼԱՒ Կ՜ԸԼԼԱՅ ՈՐ ԲԱՑԱՏՐԷՔ ՁԵՐ ՄԻՏՔԸ ՈՒՇԱԴՐՈՒԹԻՒՆ ԴԱՐՁՆԵԼՈՎ ՀԱՐՑԻ ԻՐԱՒԱԿԱՆ ՀԱՆԳԱՄԱՆՔՆԵՐՈՒՆ ԱԼ:
PUBLIC RELATION
PUBLIC RELATION ՀԱՍՏԱՏԵԼԸ ԿԱՐԵՒՈՐ Է:ԼԱՒ ԳԱՂԱՓԱՐ Է ԼՐԱԳՐՈՂՆԵՐ ՀԱՅԱՍՏԱՆ ԿԱՄ ՏԷՐ ԶՕՐ,ՀԱԼԷՊ,ՔԵՍԱՊ,ԱՆՃԱՐ,ՊԷՅՐՈՒԹ,ԵՐՈՒՍԱՂԷՄ ՈՒՂԱՐԿԵԼԸ: ԱՅՍ ԹԵՄԱԿԱՆ ՄՏԱՀՈԳՈՒԹԻՒՆ ՊԷՏՔ Է ԸԼԼԱՅ : ԹԵՄԱԿԱՆ ԺՈՂՈՎԸ ԽԹԱՆ ՊԷՏՔ Է ՀԱՆԴԻՍԱՆԱՅ ԶԱՆԱԶԱՆ ՄԱՄԻՆՆԵՐՈՒ ԳՈՐԾՆԱԿԱՆ ԳԱՅԼԵՐ ԱՌՆԵԼՈՒ ԱՅՍ ՈՒՂՂՈՒԹԵԱՄԲ: ԱԶԱՏ ՀԱՅԻ ՄՏԱՀՈԳՈՒԹԻՒՆԸ ՏԵՂԻՆ Է :
ԼԱՒ ՄԻՏՔ Է ՆՈՐ ԺԱՄԱՆԱԾ ՀԱՅԵՐԸ ԸՆԴՈՒՆԵԼՈՒ ՄԻԱՒՈՐԻ ԳԱՂԱՓԱՐԸ: ԲԱՅՑ, ԻՆՉՊԷՍ ՏԵՂԵԱԿ ԵՆՔ, ԳՈՐԾԸ ԱՏՈՎ ԵՒ ԱՅԴՏԵՂ ՉԻ ՎԵՐՋԱՆԱՐ?
ԿԼՈՐ ՍԵՂԱՆՆԵՐՈՒ ԿԱԶՄԱԿԵՐՊՈՒԹԻՒՆ
ԽՕՍՔԻ ԱԶԱՏՈՒԹԻՒՆԸ ԺՈՂՈՎՐԴԱՎԱՐՈՒԹԵԱՆ ՍԿԶԲՈՒՆՔՆԵՐՈՒՆ ՄԱՍ ԿԸ ԿԱԶՄԷ:ԿԼՈՐ ՍԵՂԱՆՆԵՐՈՒ ԿԱԶՄԱԿԵՐՊՈՒՄԸ ԼԱՒ Է ԵՒ ԿԵՆՍԱԿԱՆ ՍԱԿԱՅՆ ԱՆՈՆՑ ԱՌԱՏՈՒԹԻՒՆԸ ԿՐՆԱՅ ԴԴՈՒՄԻ ՀԱՄ ՏԱԼ, ԻՆՉՊԷՍ Կ՜ԸՍԷ ՀԱՅԿԱԿԱՆ ԱՌԱԾԸ( ԽՕՍՔՍ ԿԸ ՎԵՐԱԲԵՐԻ ԳՈՐԾԱԾՈՒԱԾ ԱՄԷՆ ՔԱՅԼԱՓՈԽԻ ԲԱՑԱՏՐՈՒԹԵԱՆ): ԲԱՅՑ ԴԱՐՁԵԱԼ, ՊԷ՞ՏՔ Է ԱԿՆԿԱԼԵԼ ԿԼՈՐ ՍԵՂԱՆՆԵՐՈՒ ԿԱԶՄԱԿԵՐՊՈՒՄ ԹԵՄԱԿԱՆ ԺՈՂՈՎԷՆ?ՇԱՏ ՀԱՄՈԶՈՒԱԾ ՉԵՄ?
ԴԵՍՊԱՆԱՏՈՒՆ
ԴԵՍՊԱՆԱՏԱՆ ՀԵՏ ՉԵՄ ԿԱՐԾԵՐ ԹԷ ՔԱՂԱՔԱՎԱՐԱԿԱՆ ՅԱՐԱԲԵՐՈՒԹԻՒՆՆԵՐ ՄԻԱՅՆ ԳՈՅՈՒԹԻՒՆ ՈՒՆԻՆ:ԹԵՄԱԿԱՆ ԺՈՂՈՎԸ ՄԻՇՏ ԱԼ ՄՕՏԻԿ ԵՂԱԾ Է ? ՀՀ ԴԵՍՊԱՆՈՒԹԻՒՆ? ՀԱՍՏԱՏՈՒԹԵԱՆ ՀԵՏ: ՀՕՐ ԵՒ ԶԱՒԿԻ ՅԱՐԱԲԵՐՈՒԹԻՒՆ ՈՒՆԷՐ ԵՒ ԿԸ ԿԱՐԾԵՄ ԿԸ ՇԱՐՈՒՆԱԿԷ ՈՒՆԵՆԱԼ : ՊԷՏՔ Է ԾԱՆՕԹ ԸԼԼԱԼ ԱՆՈՐ ՀԻՄՆՈՒՄԻ ՊԱՏՄՈՒԹԵԱՆ ԾԱԼՔԵՐՈՒՆ : ՔԻՉ ՄԸ ԱՒԵԼԻ ԳՈՐԾՆԱԿԱՆ ԵՒ ԱՅԺՄԷԱԿԱՆ ՕՐԻՆԱԿ ՄԸ ԵԹԷ ՓՈՐՁԵՄ ՏԱԼ ՊԻՏԻ ԸՍԵՄ ՈՐ ԱՅՍՕՐՈՒԱՆ ԱՅԴ ՇՔԵՂ, ԱՉՔԻ ԶԱՐՆՈՂ ԴԵՍՊԱՆԱՏԱՆ ՇԻՆՈՒԹԻՒՆԸ ԻՐԱԿԱՆԱՑԱՒ ՇՆՈՐՀԻՒ ԹԵՄԱԿԱՆ ԺՈՂՈՎԻ ԱՆԴԱՄԻ ՄԸ ԱՆԴՈՒԼ ԱՇԽԱՏԱՆՔԻՆ ԵՒ ԱՆՎԵՐԱՊԱՀ ՕԺԱՆԴԱԿՈՒԹԵԱՆ (ՆԻՒԹԱԿԱՆ ԹԷ ԲԱՐՈՅԱԿԱՆ) ԵՒ ՆՈՅՆ ԺՈՂՈՎԻ ԱՅԺՄՈՒ ԵՒ ԱՆՑԵԱԼԻՆ ԱՆԴԱՄՆԵՐՈՒ ՆԻԹԱԲԱՐՈՅԱԿԱՆ ՕԺԱՆԴԱԿՈՒԹԵԱՆ: ՄԻՒՍ ԿՈՂՄԷՆ ՉԵՄ ԿԱՐԾԵՐ ՈՐ ԴԵՍՊԱՆ ՄԵԼԻՔԵԱՆԻ ՆՄԱՆ ՊԱՏՈՒԱԿԱՆ ԱՆՁ ՄԸ ՄՈՌԱՑՈՒԹԵԱՆ ՏԱՅ ԵՂԱԾԸ ԵՒ ՈՒԶԷ ՄԻԱՅՆ ՔԱՂԱՔԱՎԱՐԱԿԱՆ ՅԱՐԱԲԵՐՈՒԹԻՒՆ ՄՇԱԿԵԼ ԹԵՄԱԿԱՆ ԺՈՂՈՎԻՆ ՀԵՏ? ԻՆՉ ԿԸ ՎԵՐԱԲԵՐԻ ՄԻԱՑԵԱԼ ԱՇԽԱՏԱՆՔ ՏԱՆԵԼՈՒ ՀԱՐՑԻՆ , Կ՜ՈՒԶԷԻ ԱԶԱՏ ՀԱՅԻ ՈՒՇԱԴՐՈՒԹԻՒՆԸ ՀՐԱՒԻՐԵԼ ԱՅՆ ԽՈՀԵՄ ՔԱՂԱՔԱԿԱՆՈՒԹԵԱՆ ՎՐԱՅ ՈՐ ՈՐԴԵԳՐԱԾ Է ՀԱՅԱՍՏԱՆԻ ՊԵՏՈՒԹԻՒՆԸ, ՈՐՆ Է ՉԽԱՌՆՈՒԻԼ ՀԱՄԱՅՆՔՆԵՐՈՒ ՆԵՐՔԻՆ ԳՈՐԾՈՒՆԷՈՒԹԵԱՆ ԵՒ ՀԱՐՑԵՐՈՒՆ: ՀՈՆ ՈՒՐ ՊԷՏՔ Է ԹԵՄԱԿԱՆ ԺՈՂՈՎՆ ՈՒ ԴԵՍՊԱՆԱՏՈՒՆԸ ԱՆՎԵՐԱՊԱՀ ՀԱՄԱԳՈՐԾԱԿԻՑՆԵՐ ԵՆ ԵՂԱԾ ԵՒ ԵՆ ՑԱՅՍՕՐ: ԻՄ ԳԻՏՑԱԾՍ ՈՒ ՏԵՍԱԾՍ ԱՍՈՆՔ ԵՆ, ԵԹԷ ԱՅԼ ԻՐԱԿԱՆՈՒԹԻՒՆՆԵՐ ԿԱՆ ԱՒԵԼԻ ԼԱՒ Կ՜ԸԼԼԱՅ ԲԱՑԷՆ ԸՍԵԼ ՈՐ ԼՈՒՍԱԲԱՆՈՒԻՆՔ ԲՈԼՈՐՍ:
ԵՐԻՏԱՍԱՐԴՈՒԹԻՒՆ
ԵՐԻՏԱՍԱՐԴՈՒԹԻՒՆԸ ԿՆՃՌՈՏ ՀԱՐՑ Է ԸՆԴՀԱՆՐԱՊԷՍ, ԷՄԻՐՈՒԹԵԱՆՑ ՄԷՋ ՄԱՍՆԱՒՈՐԱՊԷՍ:ԱՅՍՕՐ ՄԵՐ ԳԱՂՈՒԹԸ ԿԸ ՎԽՏԱՅ ԵՐԻՏԱՍԱՐԴ ՈՒԺԵՐՈՎ ՍԱԿԱՅՆ ԱՆՏԷՐ Է ՈՒ ԱՆԳԼՈՒԽ: ԱՆՁՆԱՊԷՍ ԵՍ ԱԼ ՆՈՅՆՔԱՆ ՄՏԱՀՈԳ ԵՄ ՈՐՔԱՆ ԱԶԱՏ ՀԱՅԸ: ԿԸ ԿԱՐԾԵՄ ԹԷ ԼՈՒԾՈՒՄԸ ՊԷՏՔ Է ՓՆՏՌԵԼ ԹԵՄԱԿԱՆ ԺՈՂՈՎԻ ՅԱՆԴՈՒԳՆ ՈՐՈՇՈՒՄԻ ՄԸ ՄԷՋ, ՈՐՆ Է ՍՏԵՂԾԵԼ ՄԱՐԶԱ ՄՇԱԿՈՒԹԱՅԻՆ ԸՆԿԵՐԱԿՑՈՒԹԻՒՆ ՄԸ ՈՐ ԿԸ ՂԵԿԱՎԱՐՈՒԻ ԵՐԻՏԱՍԱՐԴ ԿԱՐՈՂ ՈՒՍԵԱԼ ՈՒԺԵՐՈՒ ԿՈՂՄԷ ԳՈՀԱՑՆԵԼՈՎ ԴԱՐՈՒՍ ՊԱՅՄԱՆՆԵՐԸ: ՄԱՐՄՆԱՄԱՐԶՆ ՈՒ ՄՇԱԿՈՅԹԸ ԳՈՐԾՈՒՆԷՈՒԹԵԱՆ ԿԱՐԵԼԻՈՒԹԵԱՆՑ ՈՎԿԻԱՆՈՍՆԵՐ ԵՆ:
ՀԱՄԵՍՏ, ԽՈՐԱՄԱՆԿ, ՇԱՐՔԵՐ
ՉՀԱՍԿՑԱՅ ԹԷ ԻՆՉ ԸՍԵԼ Կ՜ՈՒԶՈՒԻ ՀԱՄԵՍՏ , ԽՈՐԱՄԱՆԿ ԵՒ ՇԱՐՔԵՐԸ ԲԱՌԵՐՈՎ: ԵԹԷ ԹԵՄԱԿԱՆԻ ՇԱՐՔԵՐՈՒՆ ՄԱՍԻՆ Է ԽՕՍՔԸ ԹԵՄԱԿԱՆ ԺՈՂՈՎԸ ԱՅԴ ՆԿԱՐԱԳՐԻ ՄԱՐԴԻԿԸ ԸՆՏՐԵԼՈՒ ՄԷՋ ԴԵՐ ՉՈՒՆԻ ՈՐՈՎՀԵՏԵՒ ԱԶԳՆ Է ԹԵՄԱԿԱՆ ԱՆԴԱՄՆԵՐ ԸՆՏՐՈՂԸ: ԻՆՉՊԷՍ ԸՍԻ՝ ՉՀԱՍԿՑԱՅ ԸՍԵԼ ՈՒԶՈՒԱԾԸ:
ԱՅՍ ՅՕԴՈՒԱԾԻ ՎԵՐՋԻՆ ՆԱԽԱԴԱՍՈՒԹԻՒՆԸ Ա ԼԱ ՊԱՐՈՆԵԱՆ ԵՐԳԻԾԱՆՔԻ ՄՕՏ Է, ՈՒՍՏԻ ՈՐՊԷՍ ԵՐԳԻԾԱՆՔ՝ ԳՆԱՀԱՏԵԼԻ, ՍԱԿԱՅՆ ՈՐՊԷՍ ԲՈՎԱՆԴԱԿՈՒԹԻՒՆ՝ ԴԱՐՁԵԱԼ ՉԵՄ ԳԻՏԵՐ ԹԷ ԻՆՉԻ Կ՜ԱԿՆԱՐԿՈՒԻ, ՔԱՆԶԻ ԱԶԱՏ ՀԱՅԸ ԿՈՏՏԱՑՈՂ ԲԱՒԱԿԱՆ ՎԷՐՔԵՐՈՒ ՎՐԱՅ ԴՐԱԾ Է ԻՐ ՄԱՏԸ:
DE LA DISCUSION NAIT LA LUMIERE
Կ՜ԸՍԷ ՖՐԱՆՍԱԿԱՆ ԱՌԱԾԸ: ԼԱՒ Է ՈՐ ԼՈՅՍԻ ՓՆՏՌՏՈՒՔԻ ԿՈՐՈՎԸ ՏԱԿԱՒԻՆ ՄԵՐ ՄԷՋ ՉԷ ՄԵՌԱԾ :
ՅԱՐԳԱՆՕՔ՝
ՆՇԱՆ ՊԱՍՄԱՃԵԱՆ