Վերամուտ Շարժայի Օհաննէսեան Հայկական Վարժարանի 2009 – Տնօրէնի խօսք

Տնօրէն Պրն. Նշան Պասմաճեանի խօսքը ի դիմաց Օհաննէսեան Հայկական Վարժարանի Տնօրէնութեան, Ուսուցչական Կազմին և Հոգաբարձութեան՝
 
6 Սեպտեմբեր 2009

Յարգելի Ծնողներ,

Յանուն Օհաննէսեան Հայկական Վարժարանի Հոգաբարձութեան, Տնօրէնութան եւ Ուսուցչական Կազմին  կ՜ողջունեմ ձեզ  2009-2010 դպրոցական տարեշրջանի վերամուտին: Պիտի փորձենք, ձեզի հետ, այս տարեշրջանը մեր աշակերտութեան համար դարձնել հայեցի դաստիարակութեան ջամբումի, կարգապահութեան, հայրենիքի և հայ ազգի սիրոյ, հայերէնը, հայոց պատմութիւնը, հայ երգը, քրիստոնեայ կրօնը հաճոյքո՜վ սորվելու, ազգային ինքնութեան ամրապնդմա՜ն, ինչպէս նաև աշակերտութեան մօտ ընկերասիրութեան գաղափարի զարգացման  շրջան մը: Այս բոլորը իրականացնելու համար կարգապահութիւնը մեծ դեր կը խաղայ: Զայն կիրարկելու համար ծնողք ? ուսուցչական կազմ համագործակցութիւնը անհրաժեշտութիւն է, բան մը, որ դուք պիտի չզլանաք՝ ատոր վստահ ենք:

2010 ը Դպրոցի բացման երեսնամեակն է: Հարիւրաւոր աշակերտներ անցան դպրոցի գրասեղաններէն: Անոնց բոլորին մէջ անխտիր դրոշմուած կը մնայ պատկանելիութեան գաղափարը,  հիմնական նպատակններէն մին այս վարժարանի գոյութեան: Հայութեան պատկանելու ոգին ներշնչման աղբիւր ու զոհողութեան խթանն է եղած, եւ է՜, անցեալի և այժմու ուսուցիչ ուսուցչուհիներուն: Իւրաքանչիւր հայ ծնողի, ինչպէս ամէն հայ դպրոցի առաքելութիւնն է եղած հայու արմատները խորացնել մեծցող սերունդներուն մէջ: Այս առաքելութեան հաւատքով է որ Հոգաբարձութիւն, Տնօրէն և Ուսուցչական Կազմ, տարեշրջանի սեմին, իրենց ուխտը կը նորոգեն և իրենց պատրաստակամութիւնը կը յայտնեն աւելի լաւ ծառայելու մեր աշակերտութեան:

Առ այդ կը փափաքինք ձեր բոլորին ուշադրութեան առարկան դարձնել հետևեալ կէտերը.

1) Դասաւանդութիւնը տեղի պիտի ունենայ Ուրբաթ օրերը, առաւօտեան ժամը 10.15 ? 13.30:

2) Արձանագրութիւնները տեղի պիտի ունենան Շաբաթ, 26  Սեպտեմբերին  և Հինգշաբթի, 1 Հոկտեմբերին կէսօրէ ետքերը ժամը  6 ?8, որոնց ընթացքին պիտի բաժնուին նաև աշակերտներու համազգեստներն ու գիրքերը:

3) Դպրոց կ՜ընդունուին երեքուկէս տարիքը բոլորած փոքրերը (3 տարի և 6 ամիս):

4) Սկիզբ դասաւանդութեանց՝ 2 Հոկտեմբեր, 2009: Դպրոցական տարեշրջանը կ՜աւարտի 14 Մայիս 2010ին:

5) Դպրոցի Տնօրէնն է Պրն Նշան Պասմաճեան: Որևէ հարցով կարելի է Պրն Պասմաճեանին հետ կապուիլ հեռաձայնելով 055 6261064  թիւին, կէսօրէ ետքերը ժամը 5.30 ? 7.30:

6) Ուսուցչական Կազմ
Տիկ. Նուարդ Թնկրեան
Տիկ. Վարդուկ Գարակիւլլէեան
Տիկ. Ռոզէթ Պաղտոյեան
Տիկ. Սեդա Կիրակոսեան
Տիկ. Գարին Գալայճեան
Տիկ. Նորա Սէկեան
Տիկ. Թամար Գաւլաքեան
Տիկ. Մարալ (Հրայր) Մանճիկեան
Տիկ. Սալբի Աբէլեան
Տիկ. Անի Գաւլաքեան

Տիկ. Սուզաննա Օհանեան
Տիկ. Թամար Կէրճիկեան
Տիկ. Մարալ (Հրաչ ) Մանճիկեան
Տիկ. Մարիա  Չոլաքեան
Պրն. Ճորճ Գալլէշեան
Պրն. Գէորգ Պէրղուտեան

7) Հոգաբարձութեան նոր կազմը կը բաղկանայ հետևեալ ազգայիններէն.
Տիար Հրաչ Պրունսուզեան՝ Ատենապետ
Տիար Սեպուհ Արմենակեան՝ Փոխ Ատենապետ
Տիար Մարտօ Յովսէփեան՝ Ատենադպիր
Տիար Թադէ Պագալեան՝ Հաշուապահ
Տիկ. Լենա Գազանճեան՝ Ուսումնական Հարցերու Խորհրդատու
Տիկ. Մարալ Յարութիւնեան՝ Ուսումնական Հարցերու Խորհրդատու
Տիկ. Սեդա Պալիօզեան՝ Խորհրդական

Տիար Յակոբ Ճուքճուքեան ՝ Ազգային Վարչութեան Ներկայացուցիչ

8) Աշակերտները, իրենց համազգեստը հագած, պարտին ամէն Ուրբաթ դպրոց ներկայանալ առաւօտեան ժամը 10.00ին, որպէսզի կարելի ըլլայ դասաւանդութեան սկսիլ որոշուած ժամուն:

9) Յաւելեալ համազգեստ կարելի է ստանալ Տիկ. Մարալ Մանճիկեանէն, Հեռ. 050 6330185: Իւրաքանչիւրին արժէքն է  50 Տիրհամ :

10) Աշակերտութեան համար Բջիջային (mobile) հեռախօսներու գործածութիւնը  արգիլուած է դպրոցէն ներս: Որևէ շտապ պէտքի համար Տնօրէնութեան սենեակի հեռախօսը ինչպէս նաև Տնօրէնին բջիջային հեռախօսը տրամադրելի են ե՜ւ ծնողներուն ե՜ւ աշակերտութեան:

11) Կրթաթոշակ

Տարեկան կրթաթոշակ՝ 650 Տիրհամ, որ կը ներառէ՝
? Դասգիրքեր,
? Մէկ համազգեստ
? Գրենական պիտոյք
? Նախաճաշ

Յանձնարարելի է, որ վճարումները կատարուին արձանագրութեան օրը: Նոյն ընտանիքէն երկուքէ աւելի աշակերտներու համար ուսումը անվճար է:

Հոկտեմբեր 2էն մինչև Մայիս 14 կան 33 Ուրբաթ օրեր: Հարկադրաբար 4 Ուրբաթներ դպրոցը փակ պիտի մնայ (Դեկտեմբեր 25, Յունուար 1, Ատհայի տօն, Աւագ Ուրբաթ): Չնախատեսուած՝ 1 Ուրբաթ. գումար՝ 5: Ուստի, դասաւանդութեան համար կը մնան 28 Ուրբաթ օրեր: Հետեւաբար, ծնողներու օժանդակութեամբ և աջակցութեա՜մբ միայն հնարաւոր պիտի ըլլայ ուսումնական ծրագիրը յաջողութեամբ ամբողջացնել:

12) Հայերէնի գործածութեան մասին

Կը հաւատանք, որ որևէ հայու մօտ Հայերէնի մաշումը տոկոսով մը կը մաշեցնէ նաև անոր հայկականութիւնը : Օտար լեզուն օտար մտածելաձև  կը դրոշմէ մեր մէջ: Հետևաբար,դպրոցէն ներս,պիտի փորձենք նախորդ տարիներուն սկսուած արշաւը օտար լեզուներու, յակապէս Անգլերէնի գործածութեան դէմ՝ շարունակել :Կը խնդրենք ծնողներէն քաջալերել Հայերէնի գործածութիւնը ե՜ւ դպրոցէն ե՜ւ տուներէն ներս: Ճիշդ է որ այս՝ հոսանքի դէմ թիավարել կը նշանակէ. բայց միթէ Սփիւռքի գոյատևումը Հոսանքի Դէմ Թիավարելու արդիւնքը չէ՞… Միասնական ճիգով կը յաջողինք՝  անկասկա՜ծ:

13) Անցեալ տարի սկսած արտադասարանային ծրագրի գործադրութիւնը պիտի շարունակուի այս տարի ևս: Մանրամասնութեանց մասին ծնողները պիտի տեղեակ պահուին ի մօտոյ:

14) Կրօնի պահի օգտագործում Պատարագի մասնակցելու համար
Ուրբաթ օրերը առիթ պիտի ընծայեն աշակերտութեան Պատարագի օրերը (ամիսը երկու անգամ) եկեղեցի յաճախել: Այսպէս, Պատարագի օրերուն, կրօնի պահուն, աշակերտները, խումբ առ խումբ, քաղաքավար, կարգապահ և անաղմուկ, Պատարագին մասնակից պիտի դառնան:

15) Դասապահերու տրամադրելի ժամանակ
Հայերէն լեզու` Բողբոջէն մինչև Նախապատրաստական դասարան՝ ամսական երկու անգամ 135 վայրկեան և երկու անգամ՝ 110 վայրկեան իսկ Առաջինէն մինչև Ը դասարան՝ 70 վայրկեան:
Հայոց պատմութիւն՝ Առաջինէն Թ. Դասարան՝ 30 վայրկեան:
Կրօն՝ Առաջինէն Թ. Դասարան՝ 25 վայրկեան:
Հայ երաժշտութիւն՝ 30 վայրկեան:
Ձեռային աշխատանք (Բողբոջ, Կոկոն, Ծաղիկ)՝ 30 վայրկեան:
Դադար՝ 25 վայրկեան՝ Բողբոջէն Ծաղիկ Դասարաններու և 15 վայրկեան Նախապատրաստականէն Թ. Դասարաններու համար:

16) Տարուան ընթացքին պիտի գումարուին երկու ծնողական հանդիպումներ՝ Նոյեմբեր 2009ին և Փետրուար 2010ին: Ճշգրիտ թուականները կը տեղեկացուին շրջաբերականով:

17) Վիճակագրական
Ստորև կը ներկայացնենք վիճակագրական տախտակ մը աշակերտներու ներկայութեան՝ 2008-2009 տարեշրջանին.
Բողբոջ Դասարան 74.5%
Կոկոն Դասարան  78%
Ծաղիկ Դասարան  83%
Նախապատրաստական Դասարան 84%
Առաջին Դասարան79%
Երկրորդ Դասարան  79%
Երրորդ Դասարան  79%
Չորրորդ Դասարան  75%
Հինգերորդ Դասարան  74%
Վեցերորդ Դասարան  73%
Եօթներորդ Դասարան 75%
Միջին տոկոս՝  78%

Կը հաւատանք, որ ձեզի հետ միասին 2009-2010 տարեշրջանին այս տոկոսը պիտի կարենանք բարձրացնել նուազագոյնը ՝90%ի:

Տարեշրջանի սեմին՝ կը մաղթենք ձեր բոլորին առողջութիւն և ձեր գործերուն յաջողութիւն:

Ի դիմաց
Օհաննէսեան Հայկական Վարժարանի
Տնօրէնութեան, Ուսուցչական Կազմին և Հոգաբարձութեան՝

Նշան Պասմաճեան
Տնօրէն