Սիրելի Ընթերցող,
Մեծի Տանն Կիլիկիոյ Վեհափառ Հայրապետը իր 31 Դեկտեմբեր 2009 Հայրապետական Յատուկ Գիրով 2010 տարին հռչակեց ՀԱՅ ԿՆՈՋ ՏԱՐԻ:
Նորին Սրբութիւնը վեր առած է հայ կնոջ արժանիքներն ու պարտաւորութիւնները, իր խաղացած դերը դարերու ընդմէջէն մինչեւ օրս որպէս մայր, դաստիարակ, հասարակական գործիչ, մտաւորական, ընկերային ծառայող, եւայլն:
Վեհափառ Հայրապետը իր այժմէական գաղափարներով, նոր մարտահրաւէրի առջև կը դնէ մեզ բոլորս, Հայ Այրեր և Հայ Կանայք, մեր մտածելաձևին առաջ բանալով նոր հորիզոն և պարտաւորութեանց՝ նոր գործելադաշտ:
?Նշանակ? պիտի յաջորդաբար հրապարակէ Վեհափառ Հօր Յատուկ Գիրը և տարուան ընթացքին պիտի իր ընթերցողները իրազեկ պահէ կնոջ՝ ընդհանրապէս և հայ կնոջ՝ մասնաւորապէս խաղացած ու խաղալիք պատմական կարևոր դերին:
Կոչ կ՜ուղղենք բոլոր գրիչ շարժող հայորդիներուն յօդուածներով, ուսումնասիրութիւններով, գիտական թէ հոգեբանական վերլուծումներով, բանաստեղծութիւններով, կարճ պատմուածքներով, կամ այլ, իրենց մասնակցութիւնը բերելու ՀԱՅ ԿՆՈՋ ՏԱՐՈՒԱՆ նշումին:
Կայքս պատրաստ է լայն տեղ տրամադրելու բոլոր մասնակիցներուն:
?Նշանակ?
www.nshanag.com
16 Յունուար 2010
