Azad-Hye Special
A conversation between Blanche DuBois (Nelly Kheranyan) and Eunice (Lilit Barseghyan) and Stella Kowalski (Irina Hovhannisyan).
Title of the article: My life is dependent on the goodness of the first meeting person.
Written by Lilit Barseghyan and Irina Hovhannisyan.
Photo: Nelly Kheranyan
ԻՄ ԿՅԱՆՔԸ ԿԱԽՎԱԾ Է ԱՌԱՋԻՆ ՀԱՆԴԻՊԱԾԻ ԲԱՐՈՒԹՅՈՒՆԻՑ
Տրամվայ ?Ցանկություն?
Հեղինակ`Թեննեսի Ուիլիամս
Թեննեսի Ուիլիամս-ը (ամերիկացի գրող) մեկ անգամ չէ, որ կարողացել է բացահայտել կնոջ էությունը: Շատերը դա կապում են իր ոչ այնքան լավ ընտանեկան կյանքի հետ, շատերն իր սեռական կողմնորոշման, որոնք իրենց անդրաադարձը գտել են գրողի ստեղծագործություններում:
Տրամվայ ?Ցանկություն? պիեսի գլխավոր հերոսուհին Բլանշ Դյուբուան է: Նա, կորցնելով հայրական ?Երազանք? առանձնատունը, ստիպված է լինում ?Ցանկություն? գնացքով հասնել Նոր Օռլեան, որտեղ ամուսնացած է նրա մեծ քույրը` Սթելլան: Այստեղ ապրում են Բլանշին կենցաղով անհամապատասխան մարդիկ, որոնց հոգին Բլանշի աչքերում արդեն վաղուց ?կեղտոտված? է: Ի վերջո կենսագրության ոչ այնքան հաճելի դրվագներ հիշատակելով` Բլանշի` փխրուն կնոջ հակապատկեր Սթենլին, օգտվում է նրա անզորությունից: Ի վերջո Բլանշը հայտնվում է հոգեբուժարանում: Նրանք լինելով արդեն վաղուց (գուցե առաջին ճիչից սկսած) ?աղտոտված մարդիկ?, չեն էլ նկատում, որ Բլանշն օգնության կարիք ունի: Դա սերն է, ջերմությունն ու հանգստությունը:
Մեկ անգամ չէ, որ այս ստեղծագործությունը բեմադրվել է տարբեր երկրներում, տարբեր հեղինակների կողմից: Հայաստանում այն սկսել է իր թատերական ճանապարհը 1999 թ-ի հունիսի 8-ից, ու մինչև օրս հանդիսատեսը կարողանում է վայելել այս ներկայացումը: Բեմադրությունն ու երաժշտական ձևավորումը` Սուրեն Շահվերդյանի, նկարչական ձևավորումը` ՀՀ վաստակավոր նկարիչ Եվգենի Սաֆրոնավի: Բեմադրության գեղարվեստական ղեկավար` Վահե Շահվերդյան:
Բլանշ Դյուբուա – Նելլի Խերանյան
Սթենլի – Սթելլայի ամուսինը
Սթելլա-Բլանշի քույրը
Միտչ – Բլանշի երկրպագուն
Յունիս – Սթելլայի հարևանուհին
Հարցազրույց` Բլանշից Յունիսին և Սթելլային
?.. & Զ..
?.. Նելլի Խերանյանի չսիրած հարցերը:
. Ինչ ծրագրեր ունեք:
. Ամուսիններով դժվար է միասին աշխատել:
. Ինչպես եք համատեղում թատրոնն ու ընտանիքը:
. Բոլոր անգրագետ հարցերը կապված իմ մասնագիտության հետ:
?.. Սթելլա.. Նելլին սիրո՞ւմ է Բլանշին:
Զ.. Բլանշ.. Այո՛, շատ:
?..Յունիս.. Բլանշ Դյուբուա` <<սպիտակ ծառ>>: Ի՞նչ ծառի է նմանեցնում Բլանշն իր քրոջը`Սթելլային:
Զ.. Բլանշ.. Տերևաթափ եղած ծառի: Նա կորցրել է ինքն իրեն, իր գեղեցկությունը:
?..Սթելլա.. Սիրելի Բլանշ, եթե դուք ծնված լինեիք Սթենլիի միջավայրում, կլինեի՞ք <<սպիտակ ծառ>>:
Զ.. Բլանշ.. Կարծում եմ, այո, որովհետև միայն սթենլիներով աշխարհը չի կարող շարունակել իր գոյությունը: Անպայման մեջտեղում պետք է սպիտակ ծառ լինի: Վատագույն դեպքում գոնե կողքին: Սթենլին մոլախոտ է: Իսկ եթե մոլախոտը շատանա` ամեն ինչ կվերջանա:
?..Յունիս.. Սթենլին որևէ լավ հատկանիշ ունի՞:
Զ.. Բլանշ.. Չեմ կարծում ունենա: Մարդ, ով ընդունակ է ոտնակոխ անելու անօգնական մարդուն, լավ հատկություն չի կարող ունենալ: Միգուցե բնությունն ի սկզբանե ինչ-որ բան դրել է նրա մեջ: Գուցե Սթենլին իրեն արդարացնի, բայց Բլանշը չի կարող:
?..Յունիս.. Եթե Սթելլան սիրում է Սթենլիին , ուրեմն նմա՞ն է նրան:
Զ.. Բլանշ.. Ո՛չ, Սթելլան նման է ծառի, որի տերևները թափվել են, իսկ մոլախոտը բարձրացել է գրեթե ծառի գագաթը:
?..Յունիս.. Եթե Միտչն այնուամենայնիվ ամուսնության առաջարկ աներ Բլանշին, իսկ Սթենլին սիրեր նրան, ո՞ւմ կընտրեր Բլանշը:
Զ.. Բլանշ.. Կամուսնանար միտչի հետ, այդպիսի փխրուն մարդը երբեք չէր կարող Սթենլիի հետ լինել: Կրիքը գուցե կարողանար միացնել նրանց, բայց ոչ երկար ժամանակով:
?.. Սթելլա.. Դուք խոսում եք որպես Նելլի Խերանյա՞ն, թե՞ Բլանշ դյուբուա:
Զ.. Բլանշ.. Դա իմ Բլանշն է: Ես եմ միս ու արյուն տվել նրան, անցկացրել իմ շնչուղիներով, նա լացել է իմ արցունքներով, խոսել` իմ շուրթերով:
?..Յունիս.. Բլանշը հարազատ մարդու մահն ավելի հե՞շտ էր տանում, քան սեփական ծերության փաստը:
Զ.. Բլանշ.. Այո, այդպիսի կին էր նա` բոլորից տարբեր և անհասկանալի: Կին, ով թույլ էր և օգնության կարիք էր զգում` հույսը դնելով առաջին հանդիպած մարդու վրա: Բլանշը երբեք չի ծերանա: կծերանա նրա մաշկը, մարմինը, բայց նրա հոգին երիտասարդ կմնա:Ցավոք, նա ավելի ուշադրություն էր դարձնում իր մաշկին, քան ` հոգուն. դա նրա ողբերգությունն էր:
?..Յունիս.. Միտչը Բլանշի ծերության առաջին երկրպագո՞ւն էր, թե՞ երիտասարդության վերջին տղամարդը:
Զ.. Բլանշ.. Միտչը Բլանշի անհեթեթ, հերթական տղամարդն էր:
Իրինա Հովհաննիսյան = Սթելլա
Լիլիթ Բարսեղյան = Յունիս