About the author:
– Born in
– Graduated from
– Has been working as a teacher of Armenian Literature and language for many years.
– During the last 5-7 years she has written?2 books (awaiting publication)
– She has signed many articles in newspapers and magazines in
Ten Rubles (SHORT STORY IN ARMENIAN)
10 Ռուբլին
5-6 տարեկան տղա եմ: Դրսում խաղալիս հանկարծ աչքս ընկավ գետնին 10 ռուբլի:
Ինչքան ուրախացա.
– Գտե՜լ եմ, գտե՜լ եմ,- մտքումս կրկնում եմ, ուրախությունից սիրտս խայտում է: Բայց արտաքինից լռիկ-մնջիկ մոտենում եմ մեծ եղբորս.
– Արթուր փող եմ գտել, ի՞նչ անենք:
– Որտեղի՞ց Դավիթ ջան:
– Զնաների (ճահիճ) ծառերի տակից,- պատասխանում եմ ու շարունակում եմ,- այնպես կուզենայի հեռադիտակ, մեկ էլ մի խաղալիք ունենալ: Եղբայրս ոչինչ չպատասխանեց:
Մինչ Եղեգնաձորից հասանք Երևան, որոշեցինք մի զույգ սանդալներ ու մի վարտիք գնել:
Խաղալիքներ գնելու միտքը հօդս ցնդեց:
Ախր, որ ճիշտն ասենք, բոլորովին չեմ սիրում սանդալ կոշիկները, նամանավանդ, որ կարմիր են լինում:
Ախր դրանք աղջիկների կոշիկներ են, ինչ է աղջի՞կ եմ, ես տղա եմ: Բայց դե, որ եղբայրս է գնում, ես ?ուրախությամբ? հագնում եմ:
Արդեն մեծ մարդ եմ, բայց այդ հեռադիտակ խաղալիքը չեմ կարողանում մոռանալ:
– Ինչու՞ ինձ չէիր ասում, տղաս,- ափսոսանքով հարց նում է մայրս:
Ժպտալով պատասխանում եմ. ?Առաջինը ամաչում էի, երկրորդը՝ քո աշխատանքն էի ափսոսում, հետո,-ափսոսանքով շարունակեց,- բայց երազանքս մնաց երազանք մինչև հիմա?:
She was saved from being insane (SHORT STORY IN ARMENIAN)
ՆՐԱՆ ՓՐԿԵՑԻՆ ԽԵԼԱԳԱՐՎԵԼՈՒՑ
Աստվածային մաքուր օդ, լազուր երկինք՝ լազուր, աստղալից: Այնպես սքանչելի են երգում ծղրիդները, այնքան քաղցր է մանկության օրրանը:
?
Թակում են դուռը: Քնած է մայրը, չի արթնանում, նորից են թակում: Ահա վառվեց լույսը, ուրախությունից երկուսի աչքերն էլ փայլեցին:
– Իմ թանկագիններս, վերջապես եկաք:
Ազնվազարմ մի տիկին, աչքերը փոս ընկած, թուլացած ու թառամած, վտանգավոր գունատությամբ դեմքը, խոսում էր վիշտ տանող մարդու մասին:
Ողջագուրվեցին, մայրը հուզմունքից դողում էր, ինչ–որ անկապ բառեր էր արտասանում ու դեմքի գունատությունը տեղի տվեց, հոգու վշտի ճիչն էր, որ աշխատում էր ցույց չտալ:
– Մամ ջան, գնանք Երևան, դու մենակ չպետք է ապրես:
– Կգամ տղեք ջան, դուք միանգամայն ճիշտ եք:
Ուրախացած, զարմացած տղաները թև առան ու թռան ուրախությունից:
– Այլևս մենակ չեմ կարող և չեմ ցանկանում ապրել, վերջ. ես զգում եմ, որ վերջանում եմ,- աչքերը լցվեցին, արցունքները գլորվեցին: Գլուխը դրեց փոքր որդու ուսին, տղան վերցրեց մոր ձեռքը, համբուրեց:
Կոկա–կոլայի գովազդի պլակատի վրա գրեց ?Mother we love you?:
– Ճիշտ է, մեր հայրիկը չկա, բայց մենք կանք և քեզ չենք թողնի, որ մենակ մնաս ու հեռանաս մեզանից, դու մեզ պետք ես, դու ուժեղ մարդ ես և մեր հոգին հենվում է այդ սյանը:
– Միթե՞ ես ուժեղ եմ,- մտածեց Զարուհին ու թույլ ժպտաց՝ բարձրաձայն ոչինչ չասելով:
– Դե լավ կգամ, ապա՞ իմ 70 հնդուհավերն ու 30 հավ ու ճիվը:
– Դե, ինչ մորթելու է, կմորթենք, ինչ էլ կտանք Սոֆիկը կպահի:
– Դե լավ, մի խոսքով, ամեն ինչ կդասավորեմ, պատրաստ կլինեմ, կգաք ինձ կտանեք?
Այս ասելուց հետո նայեց ամուսնու անհաջող նկարին, գլուխն առավ ափերի մեջ ու անզուսպ լաց եղավ: Տղաները դուրս եկան ծխելու:
Դեկտեմբերին նա արդեն Երևանում էր՝ իր կեսին կորցրած:
Չէր կարողանում մուտքով բարձրանալ վերև: Քանի, քանի անգամներ ես իջել ու բարձրացել այս մուտքով, ուրախ ու տխուր, լավ ու վատ տրամադրությամբ, երջանիկ ու տխուր պահեր ես ունեցել? իմ թանկագին Էդուարդ?
Իսկ հիմա դու չկաս, հիմա դու չկաս?
Այս տունն իրենն է, գոնե թղթի վրա գրեմ, այս քարերը ինքն է շարել, այդքան տարի աշխատել է այս աշխարհի համար:
Զարուհու աչքերը լցվեցին, ասես արյունատար անոթները նեղացան ու փակվեցին. ?Աչքերս բան չեն տեսնում, ի՞նչ եղավ ինձ հետ?:
Սահեց ու ընկավ, անընդհատ ամուսնու դեմքն էր հիշում.? ?Արթուր ջան, 56 տարեկան մարդ եմ, աշխատանք չունեմ, ինչպե՞ս ապրեմ?:
– Դու պետք է զբաղվես քո առողջության հարցով, դա մեկ: Երկրորդը, երբ որ կբժշկվես, այն ժամանակ կմտածես ինչ անել,- զրուցում է փոքրը՝ Դավիթը:
– Մայրիկ ջան, քո բուժման հարցը պետք է լուծես, դա գործընթաց է: Հետո կմտածես աշխատանքի, գործունեության մասին և այլն: Եղա՞վ, մամ ջան:
Անցավ 2 ամիս: Զարուհու վիշտն ու հիվանդությունը խառնվել են իրար, տղաներն ու բժիշկը չեն կարողանում ուշքի բերել Զարուհուն:
Ասես թե, մի քիչ կազդուրվել է, գույնը բացվել:
Ժպտում է, զրուցում, դեռ մեկ–մեկ էլ ծիծաղում է:
– Ես ինչքան կարող եմ տանը ձեռքերս ծալած նստել, պետք է մի բան անել,- անընդհատ մտմտում է նա:
Գլխի մեջ մի տեսակ որդ կա, ոլորում, ոլորում ու խփում է ճակատին:
– Յա, Չերնիշևսկու ?Ինչ անելը? դառավ,- ինքն իրեն մտմտաց Զարուհին, ժպտաց ու տնային աշխատանքներից հոգնած՝ նստեց բազմոցին:
Բայց ամբողջ Հայաստանը անգլերեն ու կոմպյուտեր է սովորում, իսկ ինչու՞ ես՝ ոչ:
– Ես գտա /էվրիկա/, դրանք պետք է սովորել:
Զարուհին սկսեց պարապել անգլերեն՝ դասախոսի մոտ: Անգլերեն պարապելը և կոմպյուտեր սովորելը փրկեց Զարուհուն խելագարվելուց:
?